मिडिया एनपी, चितवन, २३ भदौ । चितवनमा एक थारू नेताको आफ्नै छोराले हत्या गरेका छन् । थारू कल्याणकारिणी सभा क्षेत्र नम्बर ४ का सभापति जीवनराम महतोको आफ्नै छोरा विश्वनाथ महतोले हत्या गरेका हुन् । जिल्ला प्रहरी कार्यालय चितवनका अनुसार मङ्गलबार खुर्पा प्रहार गरी उनले बाबुलाई आक्रमण गरेका थिए । घरमै बसिरहेका बेला उनले खुर्पा प्रहार गरेर बाबुको हत्या गरेको स्थानीयवासीले बताएका छन् । उनलाई पक्राउ गरी अनुसन्धानका लागि जिल्ला प्रहरी कार्यालय चितवनमा राखिएको प्रहरीले जनाएको छ ।
घटनाप्रति थारु कल्याणकारिणी सभाले शोक व्यक्तग रेको छ। हत्यापछि भरतपुर अस्पतालमा पोष्टमार्टमको लागि ल्याइएको शवलाई भरतपुर अस्पतालको शवगृहमा नै पुगेर थारु कल्याणकारिणी सभाको केन्द्रीय सदस्य सन्तबहादुर महतो र जिल्ला सभापति विश्राम महतोले झण्डा ओढाएर श्रद्धाञ्जली दिएका थिए।
थारु कल्याणकारिणी सभाले एकजना योद्धालाई गुमाउनुपरेको भन्दै दुःख व्यक्त गरे। पश्चिम चितवनको दिव्यनगर गाविसको वडा नं। ४ सिसै गाउँ घर भएका महतो लामो समयदेखि थारु समुदायको विकास र अधिकारका लागि संघर्षरत थिए
0 टिप्पणियाँ:
एक टिप्पणी भेजें